Mostrè header
Comunité

9.30 Sant ANTONE Abat

Patrozinio Sant ANTONE Abat a Antermëia

ai 17.01.18

dales 9.00 Corona

dales 9.30 S.Mëssa

Patrozinio Sant Antone Abat a Antermëia

Sciöche al é usanza, organisëia la Ploania d’Antermëia ince chëst ann la tradizionala festa a onur de Sant Antone Abat, patron dla ciaussa y dla Dlijia d’Antermëia. Al é na festa dër sintida dala jënt dl paisc, che partezipëia cun entusiasm. Ince tröpa jënt da foradecà partezipeia a chësta manifestaziun, cis paurs y fameis che vëgn a se perié jö l’aiüt dl Sant por podëi passè l’ann nü senza messëi doré desfortünes a porsones, tiers y cosses.

Do la Santa Mëssa a onur dl Sant che gnarà zelebrada dales 9.30 tla dlijia d'Antermëia à les porsones che tol pert l’ocajiun da sla cuntè pro n bun gote de vin cöt o de tee arjigné prò dai mëmbri dla Cöra dl paisc.

Dales 14.00 inant gnarale spo tignì l tradizional Batadù de Sant Antone tl Salf dles manifestaziuns.

Al ne gnarà nia ma cartè mo al sarà ince la poscibilité da davagné de bì pesć cun na ola dla fortüna e cun atri jüć.

Düc i interessà é dër bel invià a partezipé ala manifestaziun.

Les entrades dla manifestaziun jarà a fin de bëgn por la dlijia dl paisc d’Antermëia.

stampè