Mostrè header
Comunité
Ciantarins Corvara

Ciantarins da Corvara

I Ciantarins da Corvara in ocajiun dla festa de 40 agn da prô de Siur Fonjo (09/2004)

I "Ciantarins da Corvara" mët raîsc tl mëis de furá dl 1963 sciöche cor de ëi.
L'ativité ciafa n bun scomanciamënt söt ala bachëta de Jan Willeit y ala surastanza de Rudi Granruaz. Plö tert se muscëda l'cor cun l'tó ite ince ëles.
Sciöche vigni uniun á ince i Ciantarins da Corvara albü momënc da fà saurí y atri n pü plö dala stënta. Dl ann 1996 an manacè de dè sö l'ativité. Giulan a valgünes porsones y sambëgn ala gran pasciun por l'ciantè, che é da dagnëra stada dër via, ne esun por fortünia nia rová a tan.
Atualmënter é la direziun dl cor tles mans de Franco Pizzinini da La Ila. La surastanta é Serena Foppa.
I Ciantarins da Corvara, che é dandadüt cor de dlijia, arcompëda indüt 30 mëmbri, 10 Soprans, 5 Alt, 8 Tenors e 7 Bas.
Al vëgn ciantè dales gran festes de dlijia y abelí canche mai les funziuns religioses, mo canche ala se porta pro, cianta i Ciantarins dër gian ince cianties dla bona lüna. Dainré se tiri zeruch canche ai vëgn inviá a festes o recorënzes.
Bel dl 1998 se á i Ciantarins presentè al "Dé dla ciantia ladina" y dl 2000 el gnü azetè l'invit de n cor da Cuera, tl Cantun Grijun dla Svizra, por festejè deboriada i 25 agn de fondaziun. Por düc é chësta stada na esperiënza dër interessanta.

Gita a Mantova: dan l monument de Andreas Hofer.
Gita a Mantova.
Onoranzes.

Ativites 

Pur udei les ativites: www.ciantarins.it

valutaziun
Submitting your vote...
stampè