Mostrè header
Comunité
Cor de dlijia da Badia

Noeles dl Cor

Le Cor de Dlijia de Badia à ciafè sò  nadé tl ann 1737. Insciö él gnü azerté da vedli documënc’, che an à ciafè te calonia a Badia.

Atualmënter le cor è costituì da 32 mëmbri, anter chisc él da recordè che le sorvisc da organist vëgn fat cun gran maestria y savëi da 57 agn inca dal Sig. Dapunt Paul da Cianacei. La jona Cristina Pitscheider da Ruac a tut sö le laûr da dirighënta, che ala fej bel diesc agn inca cun gran ligrëza. Presidënta dal cor è Susi Pitscheider da Ruac, che vëgn daidada y sostignida da en bun comité.

L’ ativité prinzipala dal cor è chëla de abelì cun le cianté y soné  te dlijia dütes les gran festes liturgiches, sciöche ince les domënies  fora por l’ann liturgich dla Cüra de Badia. An po dì che al vëgn entres  imparè ite musiga y toc’ nüs por fa garaté chësc sorvisc de volontariat. Da en per de agn inca tol pert le cor ince  ales beles festes de S. Ana y S. Berto sö tl santuar da La Crusc. Ince ales ativités creatives (jites), ai cursc de ajornamënt y de formaziun dla usc ti vëgnel dè relevanza. Mediamënter le cor se incunta 120 iadi te en ann,  anter proes, festes, sopoltöres y dütes les atres funziuns che toca pro la vita liturgica dla Cüra de Badia.

Tl ann 2009 se á le Cor di Dlijia  arjignè na bela  troht, che ti dà ciamo plö valüta a düta l’uniun.

L ann 2012 é de importanza storica por le Cor de Dlijia de Badia. Dainlò à la uniun le unur de podëi festejé i 275 agn de vita dal cor a sorvisc dla comunité de Badia. Dandaldüt gnaral fat na mëssa de ringraziamënt, mo  ince organisé de atres manifestaziuns de cornisc ala festa.  

 

 

Cor de dlijia en S.Zilia 2010
Contat: Cor de dlijia de Badia
  p/c Pitscheider Susanna
  Str. S. Linert 10
  39036 Badia
Tel. 0471-839791
valutaziun
Submitting your vote...
stampè