Mostrè header
Comunité

Crusc blancia Alta Badia

Na picia retrospetiva storica

Tl ann 1968 él gnü metü sö La Crusc Blanćia "Corvara". Cun le sostëgn y le cofinanziamënt dl Comun da Corvara ti él gnü metü a desposiziun döes ambulanzes. Bele inlaôta gnôl garantì cun öna na porsona tla sënta le sorvisc d’intervënt 24 ores sön 24. Implü êl ca.10 porsones che podô gnì cherdades por n’emergënza tla sënta y che messâ spo saltè söl post dla desgrazia. Ti mëisc da d’invern gnôl laprò dui colaboradus implü.
Tl mëteman ê la situaziun bindebò ria y al gnô improvisé plü gonot. Bele te chi tëmps él gnü fat scialdi tröc intervënć: ca.300 y tratan le rest dl ann 430. La sënta ê dër precara: a desposiziun él n cagadù y le local da aspetè ch’ê inće la ćiamena por dormì y le local de trasmetënza. Dal ann 1977 incà él gnü cumprè na terza ambulanza. Le numer di volontars é chersciü. I intervënć ê rovà a feter 1000. Tl mëteman di agn 80 él gnü cumprè ćiamò döes ambulanzes, deache i intervënć aumentâ dassënn. La Crusc Blanćia é deventada cun le tëmp tres plü efiziënta y é gnüda restrotorada. Tl 1996 él gnü ingrandì i locai y an à tut sö personal. N valgügn mesi de trasport é gnüs baratà fora y al é gnü pormez volontars nüs.
La situaziun da incö ćiara fora insciö:
- 5 Dependënć

- 65 Volontars

- 1 Ambulanza por caji de pröm aiüt

- 4 Ambulanzes por trasportè amarà

le surastant dla assoziaziun é Videsott Konrad y

le vizesurastrant é Anvidalfarei Paolo

Mëmbri dl consëi: Dejaco Thomas, Valentin Karin, Miribung Sepl, Tschaffert Fabio y Miribung Nicolo

Deache i locai ne corespogn incö nia plü ales esigënzes, s'à la Crusc Blanćia Alta Badia dè da fà por ciafè na sënta nöia te na posiziun zentrala tl’Alta Badia.

Sit internet: http://sektionen.wk-cb.bz.it/it/alta-badia/

valutaziun
Submitting your vote...
stampè