Mostrè header
Comunité
Crusc Blanćia Mareo

Crusc Blanćia Seziun Mareo

Logo dla Crusc Blan?ia

Tl ann 1990 el gnü fat la proposta da mëte sö na seziun dla Crusc Blanćia inće a Al Plan de Mareo. La plü gran motivaziun por mëte sö na seziun dla Crusc Blanćia a Al Plan ê sanbëgn le gran numer de turisć che gnô sides d’invern co inće d’isté te nüsc paîsc dla bassa Val Badia
Cun n apel ala popolaziun él defata gnü ćiafè passa 35 volontars che se metô a desposiziun da curì i sorvisc de nöt y le fin dl’edema. De chisc 35 n’él dötaurela ćiamò n valgügn de atifs.
Le pröm laurant y surastant dla Crusc Blanćia Mareo é stè Alfred Bacher da Türesc. Defata do él stè Otto Craffonara da Rina che à surantut l’inćiaria da caposorvisc.
L’ann 1998 él gnü lité le pröm comitê dla seziun: caposeziun ê Kaneider Filippo, vize caposeziun Ties Christian, caposorvisc Craffonara Otto y i mëmbri dl consëi Kaneider August, Winkler Alexander, Clara Maria y Vollman Christian.
Ti agn danter le 1991 y 1996 él gnü mudé jö deplü iadi la sënta (scora, ćiasa de Comun, ćiasa privat). Tl 1995 él spo gnü metü man i laûrs por la costruziun dla sënta nöia. Ai 01.06.1996 é la seziun nöia gnüda benedida y surandada ofizialmënter ala Crusc Blanćia. I ultimi laûrs de mudaziun y adataziun dla seziun é gnüs fać tl 2002.
La Crusc Blanćia Mareo é aldedaincö n grup de 61 volontars (che cür le sorvisc de socurs tles ores de nöt, ia por le dé, i fins dl'edema y ti dis de festa), 4 dependënć y 2 sorvidùsc zivils.
 
Ia por l’ann vëgnel pité ai volontars de vigni sort de ativitês de tëmp lëde sciöche iadi, cënes mo inće incuntades de formaziun y eserzitaziuns con atres uniuns, sciöche i stüdafüch.
 

 


Consëi 2014 – 2018


- Ferdigg Walter (caposeziun)
- Kehrer Manuel (sostitut dl caposeziun)
- Craffonara Otto (caposorvisc)
- Kaneider Klaus (surastant di jogn dla CB)
- Kaneider Andreas
- Frenner Harald
- Frenner Gregor

La seziun Mareo cun düc sü volontars y i jogn/jones dla Crusc Blan?ia

Sit internet: http://sektionen.wk-cb.bz.it/it/san-vigilio-di-marebbe/

 

Crusc Blancia Mareo

Str.Catarina-Lanz, 48

I-39030 Al Plan de Mareo

Tel: 0471/444 444   Fax: 0474/506 314

E-mail: st.vigil@wk-cb.bz.it

Atri Link Interessanc

valutaziun
Submitting your vote...
stampè