Home
Noeles

Gara de schi da chi da Calfosch

In dumania ái 02 de aurí s’á chi da Calfosch abiné pur stlü jö la saison  da d¢invern de buriada, cun la tradizionala gara dl paisc da Calfosch che è ruvada ala süa 33° ediziun. Pur udëi chi che ê in chesc ann l’plü asvelt sön i schi, snowboard, telemark.

Dales 09:30 da duman á metü man la gara sön la pista Forcelles cun dedo en pic aperitiv al travert. In chesc ocajun el sté Moling Samuel che á fat le miù temp dla gara pasan al’travert cun le tëmp de 27:28. La miù dles eles casc iade el sté Costa Astrid cun le temp de 32:62. Do la pert sportiva dl’dé, se á düc i atlec y nia, senté jö pro mesa al Hotel Jägherhof, a se mangé na liagna blancia y sté n pü adüm. L’aperitiv e la marena è tres fora gnüda abelida da la müjiga, Saxroyal e i Zwoa Zirler dal Tirol. Pur chi che a fat pert ala gara el la poscibilité de vadagné dui bi pesc. Na televijun da 50 pollici e en iade de en fin dl edema al Hotel e Museo Sinsheim.

 

Dales 15:30 èl spo ste la premiaziun al Hotel Jägerhof y dales 17:00 él ste l’ora de musuré la fortüna de düc canc. L’prüm pest dala ola dala furtüna, n bonn de 800,00 € pur n iade, y tröc de atri bí pesc. Do la ola dala furtüna se a spo la festa trat alalungia cun tröpa vöia de fa festa.

I Stüdafüch ringrazia pur la colaburaziun la Scola de Schi da Calfosch, la Raiffeisen Val Badia, Impianti Colfosco, le Hotel Jägerhof, Foto Honolulu y düc chi che à daidé para por fà garatè la gara y l’do-gara.

Giulan de cör.

Stüdafüch Calfosch

valutaziun
Submitting your vote...
stampè