Home
Noeles

Concurs int. de dessëgn - premiaziun a San Martin

Premiaziun dl 47°ejimo concurs internazional de dessëgns Raiffeisen

In mertesc 9 de má 2017 el gnü tigní tl salf dla palestra de scola a San Martin la premiaziun dl concurs de dessëgns metü a ji dala Cassa Raiffeisen Val Badia.

Tla ediziun 2017 á fat para 254 scolars dles scores elementares da La Val, San Martin, Antermëia, Longiarü y dla scora mesana da San Martin.

L tema dl concurs de chësc ann fô “l’amizizia é plena de corú”. I mituns á te chësc contest svilupé cun creativité y originalité de bi dessëgns che é gnüs valutá dala giuria.

L’amizizia tema dl concurs urô desmustré ai partezipanc tan importanta che na amizizia è por la vita, de bogn cumpagns, na bela aventöra deboriada che nes fej crësc y nes insëgna tröpes coses. En amizizia plena de corù é cotan deplö che en “like” sön facebook y/o na email y/o en post sön val social media.

I partezipanc á ince ciafé spunc söl tema tres le bel foliet d’informaziun pedagocica sön le concurs 2017. Implö cun le fá le dessëgn á I partezipanc ince sostegnü en aziun a fin de bëgn. A livel de Südtirol gnaral dé na soma de € 6.000 fora dal fond “Raiffeisen Hilfsfond” a sostëgn den organisaziun de volontariat che se dá jö cun debujëgns particolars de mituns a chi che ala ne ti vá nia tan bun.

L regolamënt dl concurs udô danfora 3 grups: I. grup pröma y secunda scora elementara, II. grup terza, cuarta y cuinta scora elementara y le III. grup por I dessëgns dla scora mesana.

I dessëgns svilupá cun tröpa creativité á ince desmustré chësc message. La giuria metüda adüm da Prousch Hubert, Tavella Irina y Moling Markus á selezioné chisc dessëgns por I prüms posc a livel Val Badia:

Irfan Afia - I grup 1. post scora elementara da San Martin

Paratscha Sara - I.grup 1. post scora elementara da Antermoia

Mühlmann Julie - I.grup - 1. post scora elementara da Longiarü

Pedevilla Maria - I. grup - 1. post scora elementara da La Val

 

Verginer Thomas - II grup 1. post scora elementara da San Martin

Winkler Sara - II. grup 1. post scora elementara da Antermoia

Clara Denise - II.grup - 1. post scora elementara da Longiarü

Tolpeit Sandra - II. grup - 1. post scora elementara da La Val

 

Clement Daniel - III grup - 1. post 1° classe scora mesana San Martin

Peccei Lukas - III grup - 1. post 2° classe MIttelschule San Martin

Miribung Martin - III grup - 1. post 3° classe MIttelschule San Martin

 

I vinciturs á podü pié dô de bi pesc. Na picera scincunda è gnüda dada a düc I partezipanc. I mius dessëgns é gnüs mená a Balsan por la seleziun a livel provinzial.

Tla seleziun a livel provinzial à le dessëgn de Daniel Clement dla pröma tlasse A dla scola mesana da San Martin arjunt en bun plazamënt cun le 3°post a livel provinzial tl III. grup dles scores mesanes. El adüm a sü geniturs à pié dô en bel pest por düta la classe ai 24 de mà a Balsan te Schloss Maretsch.

 

La festa de premiaziun é stada abelida cun de beles coreografies da pert dles mitans dl grup de balet dl Uniun Sport da San Martin y dan grup de mitans cun tlarinet.

 

Tles parores de conclujiun á I direturs dles scores Dr. Otto Moling y Dr. Claudia Egger Canins albü parores de lalt por la Cassa Raiffeisen por avëi mjetü a ji le concurs de dessëgn – na gran valüta y esperiënza implö por la scola. Le Presidënt dla Cassa Raiffeisen raj. Pezzei Alfons à da süa pert ringrazié la scola por la bona colaboraziun che dess resté ince tl dagní – la Cassa Raiffeisen sostegnará ince tl dagní scumenciadies a bëgn dla scora.

 

ATRES FOTOS DLA PREMIAZIUN e di dessegns che a davagne: www.raiffeisen.it/val-badia/mia-banca/premiaziun-cuncurs-dessegns-raiffeisen-2017.html

valutaziun
Submitting your vote...
stampè