Home
Noeles

A-M Racing: na gran pasciun por l motor

Sun dui jurmans da Longiarὔ, Andreas Mischi de 24 agn y  Alfons Mischi de 18. Bele da pici insö, sunse chersciὔs cun la pasciun por le motor y porchël, dan da dui agn, unse tut la dezijiun de mët sö na picia scuadra: A-M Racing. I tolun pert ales gares organisades da « Alpen Cup » y a chëres regionales. Les gares organisades da « Alpen Cup » é feter tres  tla Germania, tl’Austria o te Sὔdtirol ; tröc iadi sunse stá bogn da porté a ciasa de bi plazamënc y, val iade, ince n per de copes. Les gares regionales, deperpo, vëgn fates chiló te nostra regiun. Impormó chësc ann unse metὔ man da fá chëstes gares regionales, deache i orun se mët ala proa y udëi sciöche al foss sté. Tratan chëstes gares, olache ince profescionisć tól pert, se unse intenὔ che por arjunje le podium adorun tröp alenamënt. Chësc por nos é n gran svantaje. Nos por se alené messun tres jí a Balsan. Sambëgn, sce essen a desposiziun na pista chiló da nos, fossél döt plö saurí; mo nosta pasciun é tan grana, che chësta dificulté ne se tira nia jö. Savunse ince che, tratan na gara, döt pó sozede y che chësc é n sport dër prigorus, mo danter dὔc i sporc che unse porvé fora, ma chësc se dá l’adrenalina dërta por nos. Te nosta valada, chësc sport n’é nia dër azeté, mo nos urun pratiché inant chësc sport che se porta devertimënt y che é por nos tres n momënt de liberté  olache podunse se lascé fora.

Urunse to l’ocajiun por ringrazié dὔc chi che crëi te nos, nὔsc sponsor che s’á daidé cun i cosc. Nos sperun che n de chësc sport vëgnes ince pratiché te nosta valata. Chësc por nos, foss le travert plö bel.


Uressun ince rengrazie la Cassa Raiffeisen Val Badia por le contribut che ai se á de.

valutaziun
Submitting your vote...
stampè