Home
Noeles

Dolomites Yoga Days

Tratan le fin dl’edema dai 20 ai 23 de messé an la poscibilité de imparé y perfezioné les tecniches dl hatha yoga. A La Ila vëgnel metü a jí por le secundo ann n program cun deplö workshop y cursc por prinzipianc y ince progredis. L’insegnant Egon Castlunger da La Ila mostrará les ativites focalisan sön les posiziuns fisiches, la dërta respiraziun y la pert meditativa dl yoga. La jöbia vëgnel presenté le program dales 09:30 tla palestra da La Ila sciöche ince mostré le tecniches prinzipales dl yoga. Le vëindres vëgnel tigní n curs de yoga adana, de respiraziun y meditaziun dales 10:00 sön Piz Sorega. La sabeda éle en program la leziun focalisada sön la forza dla respiraziun dales 10 :00 tres sön Piz Sorega y da sëra dales 16 :30 van a ciaré le jí jö dl sorëdl sön le Gran Cir, pian ia dal Ju de Frara. I Dolomites Yoga Days se stlüj jö la domënia ai 23 de messé cun na sesciun completa de hatha yoga dales 09:30 tla ciasa dla cultura a La Ila. Les iscriziuns mëss gní fates pro un di ufizi turistics dl’Alta Badia anter le de denant.  

Deplö informaziuns: http://www.altabadia.org/it/vacanze-estate-dolomiti/sport-attivita-estate/dolomites-yoga-days.html

valutaziun
Submitting your vote...
stampè