Home
Noeles

Aperitif te Museum Ladin Ursus ladinicus

Le Museum Ladin Ursus ladinicus a San Ciascian fajará da cornisc a bëgn dües sëres gastronomiches che vëgn metüdes da jí fora por chësc isté. Le prüm apuntamënt é preodü por le vëindres ai 21 de messé cun l’aperitif te museum. En chësta ocajiun sarale i hotí Rosa Alpina, Störes, La Fradora y Vajolet da San Ciascian che arjigna ca n aperitif cun de vigni sort de spezialites gastronomiches, che vëgn serví ti locai dl museum. I partezipanc á insciö la poscibilité da vijité le museum sides da susc che ince cun n espert de geologia, che spligará i reperc che an pó ciafé tl museum. L’aperitif, che mët man dales 17:00, gnará animé da müjiga dal vi cun le duo SlimAsh, metü adüm da Elisa Metus y David Craffonara. Les prenotaziuns mëss gní fates pro un di ufizi turistics de San Ciascian, La Ila o Badia al prisc de 18€ por i adulc y 10€ por mituns cina ai 12 agn. La manifestaziun é organisada dal’Assoziaziun Turistica de Badia en colaboraziun cun l’Uniun di Ustis y le Museum Ladin. Le secundo apuntamënt tl Museum Ladin a San Ciascian é en program ai 28 de agost cun la “cëna te museum”.

valutaziun
Submitting your vote...
stampè