Home
Noeles

Le „Gourmet Skisafari“ deura la sajun gastronomica sön les pistes tl’Alta Badia

En domënia ai 10 de dezëmber vëgnel metü a jí la sesta ediziun dl Gourmet Skisafari, cun chël che al vëgn inauguré la sajun gastronomica tl’Alta Badia. Tratan düt l’invern an la poscibilité da ciarcé te trëdesc üties na spezialité, cheriada da n cogo stelé che se á lascé ispiré dai tais de süa infanzia. Ai 10 de dezëmber dales 11:00 ales 15:00 sarale pro set üties i coghi, che á cherié chëstes spezialites, che cujinará so tai tla ütia liada a d’ël. A chësc evënt ne pó sambëgn nia mancé i trëi coghi stelá dl’Alta Badia: Norbert Niederkofler dl restorant St. Hubertus (3 stëres Michelin) sará pro la ütia Club Moritzino, Matteo Metullio dl restorant La Siriola (2 stëres Michelin) pro la ütia Piz Arlara y Nicola Laera dl restorant La Stüa de Michil (1 stëra Michelin) pro la ütia de Bioch. Implö tolarál pert ala manifestaziun atri coghi taliagn sciöche Francesco Baldissarutti dl restorant “Perbellini” (1 stëra Michelin) tla ütia Col Alt, Alberto Faccani dl restorant “Magnolia” (2 stëres Michelin) pro la ütia I Tablá, Giuseppe Biuso dl restorant “Il Cappero” (1 stëra Michelin) pro la ütia Las Vegas y Nino Graziano dl restorant “Semifreddo” da Mosca (2 stëres Michelin) pro la ütia Bamby. I amanc di schi y dla gastronomia á insciö la poscibilité da jí cun i schi da na ütia al’atra y ciarcé deplö spezialites gourmet, che gnará ascompagnades da n got de vin de Südtirol. En chësta ocajiun podaran ince baié diretamënter cun le cogo y ti damané de vigni sort de consëis. Les chertes port tó pert ala manifestaziun al prisc de 50,00€ por 4 tais cun lapró le vin, pon cumpré ti ufizi turistics dl’Alta Badia o le de dla manifestaziun tles set üties partezipantes. 

valutaziun
Submitting your vote...
stampè