Home
Noeles

Concurs de scoltüres de nëi

Tl raiun dai schi da La Crusc vëgnel metü a jí por le secundo iade n concurs de scoltüres de nëi da pert dl’Assoziaziun Turistica de Badia en colaboraziun cun la scora profescionala Cademia de Urtijëi. Dai 8 ai 10 de jená sarale sis scuadres, metüdes adüm da scolars dla scora profescionala da Urtijëi, che tol pert al concurs y arjigna ca na scoltöra de nëi. Por le concurs éle gnü chirí fora adüm al artist badiot y curadú dla mostra Lois Anvidalfarëi le tema “Panta rei”. Vigni scoltöra vëgn metüda fora dan da na ütia o dlungia pista tl raiun dai schi da La Crusc a Badia. A chësta moda pó i spetadus y i amanc dl’ert amiré les operes, sides tratan la realisaziun dl’opera sciöche ince tles edemes dedo. Le concurs se stlüj jö le mercui ai 10 de jená cun la premiaziun dla plö bela opera da pert de na iuria cun a ce l’artist Lois Anvidalfarëi.

valutaziun
Submitting your vote...
stampè