Home
Noeles

Doggi's Beste Stücke

Secundo conzert dla serie

1.st.friday.live.session@SaJ.un

 

Dër adaldërt tratan le tëmp da carnescè, röiel adalerch tl Zënter dla Cultura SaJ.un a La Ila, Markus “Doggi “ Dorfmann che presentëia sü “mius toc”. Te na mainira critica sciöche al é ausé, datrai n pü' groia, gonot da rì mo dagnora te na mainira subtila vá Markus “Doggi” Dorfmann te so program da solist “Doggi's Beste Stücke” cun les cianties sciöche “Hymne an die Tscheggl”, “Fraudnquote”, “Feirum”, “Jesolo” y tröpes d'atres, plü a funz a dër tröpes mainires de comportamënt de nos porsones. Dô so pröm CD “Kraut&Ruabm” (2006) s'á tröc südtirolej recordé la ciantia “Dor Franz vom Grödnertol”. Da chël momënt inant ál ciamó registré 7 CD's y dal 2009 inant é “Doggi” ste da incunté incërch cun Jochen Gasser cun le program “Die Zupprmandor”. Por le 10ejimo aniversar dl 2013 ál publiché la CD “Feirum”. D’ inver dl 2013/2014 s'á “Doggi” dè jö te süa rubrica “Doggi's Senf” cun les basëzes plü sotes dla Polli-tica de Südtirol. Tl program “Doggi's Beste Stücke” vëgn ince trat íte le publich tl program: dlungia le s'la rì cun saú y na scunchelnada düc adöm ti aspeta ciamó valgönes particolarités al vijitadù, porchël … ví ince tö a odëi.

Entrada lëdia!

valutaziun
Submitting your vote...
stampè