Home
Noeles

Gares Badiasport

Or y arjënt por Ebner y Shelton ala Pitturina Vertical Race

 

I dui dis de gara dla 9. ediziun dla Pitturina Ski Race tla Val dl Comelich á cherdé adalerch tröc atlec ales döes proes.

 

La sabeda ai 3 de merz dales 18 él sté la pröma gara, la Pitturina Vertical Race. Al percurs de gara de 3 km cun le start a Padola, s’ál presenté ince les döes atletes de Badiasport Verena Ebner y Jenn Shelton. Le travert áres arjunt sciöche prömes, Verena Ebner do 0:35:49 y Jenn Shelton do 0:36:50 menüc de gara.

 

Ala Pitturina Ski Race, la gran gara a scuadres dla domënia 4 de merz, á Mike Trebo y Alex Dagai tut pert. Al start s’ál presenté indöt 41 scuadres maschiles. Mike Trebo y Alex Dagai é rová al travert do 20 km de gara sciöche 16., tl tëmp de 3:22.06. Les scuadres plü asveltes é stades Boffelli-Lanfranchi (2:43.02), De Simone-Stofner (2:54.12) y Zulian-Goetsch (2:55.16).

 

 

 

28. Lagorai Cima d’Asta

 

Ai 4 de merz él sté tl Trentin, tla valada dl Tesino, la gara de Coppa Italia a chëra che ince Michael Moling y Lois Craffonara á tut pert. Le percurs de gara de 23,5 km i á condüt dal start a 1100 m cina sön la piza Cima d’Asta a 2847 m.

I trëi plü asvelc da rové al travert é stá Magnini Davide (1:55.25), Reichegger Manfred (2:00.01) y Bacca Valentino (2:03.49). Michael Moling é rové al travert sciöche 6. te 2:09.06 y Lois Craffonara sciöche 12. te 2:15.51. (Badiasport)

valutaziun
Submitting your vote...
stampè