Home
Noeles

Paslunch – gara de conclujiun 2018

Indô n inver é cuaji passé, y cun suzess an podü stlü jö le curs de paslunch por i mituns y les mitans dles scores dl’Alta Badia. Sciöche vigni ann él gnü metü da jí, ai 16 de forá, na gara de conclujiun, olache i pici partezipanc á podü mostré a sü geniturs y compagns ci che ai á imparé. La gara odô danfora n percurs a ostacui, olache ara nen jô nia ma dla velozité, mo ince dla agilité y l’ecuiliber söi schi. I resultac é stá dër bogn, y dessigü nen saral l’un o l’ater che á ligrëza da jí pro le schi club y tó pert ales gares, sides por le paslunch co por le biathlon. Na pröma cërcia de trá cun le stlop á i mituns bele podü fá tratan le curs.

Do la premiaziun y la surandada dles medaies ai plü asvelc án ciamó fat na picera lotaria, olache vigni partezipant/a á ciafé un di bí pesć ofris dala Cassa Raiffeisen da Calfosch.

Düc adöm á insciö podü passé n bel domisdé deboriada, y ince le tëmp á daidé para se scincan n bel sorëdl cialdin.

 

La scora de paslunch oress sporje n gran giulan a düc chi che á daidé por che sides le curs co ince la gara finala garatess tan bun:

i maestri che á acompagné i mituns cun gran paziënza; Robert Pizzinini che se á cruzié da arjigné ca tres al miú la pista; les mitans y i mituns che á partezipé cun gran lezitënza y cun tröpa bona löna; i geniturs che vigni edema se á tut dlaurela por condüje i mituns adalerch; Rinaldo che se á cruzié da tó jö le tëmp tratan la gara; y nia por ultimo la Cassa Raiffeisen che á sponsorisé les medaies y i bí pesć dla lotaria.

I se inconfortun bele a n ater ann, cun la speranza che tröc mituns ais ligrëza da fá inant, y che tröc ais vöia da porvé fora chësc bel sport.

valutaziun
Submitting your vote...
stampè