Home
Noeles

La cëna sot les stëres

Na gran mësa fora por le zënter de San Linert é la carateristica dla manifestaziun “La cëna sot les stëres” organisada por le secundo iade en jöbia ai 12 de messé. En chësta ocajiun gnará la strada da San Linert stlüta al trafich dales 18:30 ales 23:00 y iluminada da ciandëres y chentli. Deplö coghi de restoranc y hotí de Badia arjigna ca por chësta sëra n menü spezial cun produc locai. La cëna mët man dales 19:00 cun i antipasć arjigná ca dal hotel Serena y dala pension Runcac, por jí inant cun les prümes derzades dl hotel Melodia del Bosco y Gran Ander. Le hotel Cavallino y San Leonardo se crüzia dles secundes derzades y le dessert gnará presenté dala pastizeria I Dolci di Ricky. Tratan la sëra podaran se goder les spezialites gastronomiches y la musiga dal ví cun Laura Willeit y Hubert Dorigatti, mo dandadüt amiré l’enrosadira sön le Sas dla Crusc y plö tert le cil plëgn de stëres. Les prenotaziuns pó gní fates ti ufizi turistics de Badia, La Ila y San Ciascian y i posć sará limitá. En cajo de burt tëmp vëgn la cëna sot les stëres spostada al de do.

valutaziun
Submitting your vote...
stampè