Home
Noeles

Sommelier te Ütia

Fora por la sajun da d’isté vëgnel metü a jí por le prüm iade deplö apuntamënc cun la manifestaziun “Sommelier te ütia”. Al se trata de n domisdé lié ai mius vins de Südtirol, che podará gní ciarciá a 2.000metri. N sommelier spligará ai partezipanc les carateristiches di vins che gnará ciarciá y dará ince deplö informaziuns sura i vins: te ci got vëgnelpa juté sö chëla sort de vin, la temperatüra ideala por le vin, pro ci spëisa pëisnëiapa chël vin y insciö inant. Indüt sarale cin’i apuntamënc fora por i mëisc de messé y agost. Ai 13 de messé pro la ütia de Bioch, ai 20 de messé tla ütia Club Moritzino, ai 3 d’agost tla ütia Piz Arlara, ai 10 d’agost tla ütia Pralongiá y l’ultim apuntamënt tla ütia I Tablá ai 17 de agost.  An se incunta vigni iade dales 14:30 tla ütia  che tol pert al’iniziativa y les prenotaziuns mëss gní fates pro un di ufizi turistics dl’Alta Badia anter le de denant.

valutaziun
Submitting your vote...
stampè