Home
Noeles

Manifestaziuns Alta Badia : Angels on Ice – Spetacul sön la dlacia y Partida de hockey dl HC Balsan cuntra la scuadra ruscia Vityaz Podolsk

En mertesc ai 14 d’agost vëgnel tigní tl stade dla dlacia a Corvara n spetacul de jadiné artistich cun atlec jogn, mo che á bele arjunt a süa eté de boniscimi plazamënc. Naturalmënter ne pó nia mancé a chësta manifestaziun, che mët man dales 21:15, les jones y i jogn jadinadusc dl’Ice Club Alta Badia sciöche ince le grup de jadiné sincronisé dl post “Ice Angels” y le grup da Trënt “Ice on Fire”. Le publich podará amiré l’esibiziun dl atlet da Balsan Gabriele Frangipani, che en chësc ann á davagné le titul de campiun nazional tla categoria Junior a Milan. La jadinadëssa da Trënt Ester Schwarz, che en chësc ann á davagné le prüm pest ai campionac taliagn elite di jogn tla categoria advanced novice femminile, mostrará sües capazites artistiches sciöche ince tecniches cun deplö salc. Les chertes por tó pert al spetacul pon cumpré ti ufizi turistics de Corvara, Calfosch y La Ila y la sëra dl spetacul pro le stade dla dlacia al prisc de 7€ por adulc y mituns dai 10 agn insö, mituns cina i 10 agn pó jí ite debann.

 

 

Tl stade dla dlacia Albert Pezzei a Corvara vëgnel metü a jí en domënia ai 12 d’agost na partida de hockey cun sogadus profescionisć. Sön la dlacia podaran odëi i “foxes”, i sogadus dl HC Balsan che süga cuntra la scuadra ruscia dl Vityaz Podolsk, formaziun che süga tl campionat rus KHL. La scuadra da Balsan á davagné tl’ultima sajun da d’invern por le secundo iade le campionat de hockey dl’Austria EBEL, batan le Red Bull Salzburg. Le capitan nü Anton Bernard adüm a sü cumpagns porvará de bat en chësta sëra i sogadus rusc. La partida mët man dales 21:00 y les chertes por tó pert ala manifestaziun pon cumpré online, tl ufize turistich da Corvara y en chëla sëra diretamënter pro le stade dla dlacia al prisc de 20€ por i adulc, de 10€ por i mituns dai 6 ai 16 agn y 1€ por mituns cina 6 agn y persones cun invalidité.

 

 

valutaziun
Submitting your vote...
stampè