Home
Noeles

“FERRAGOSTO” A LA ILA

Mercui ai 15 d’agost dales 11.00 inant festa tl zënter dl paisc y dales 14.30 sarale la gran defilada dal tema “La moda tla Ladinia”

Sciöche da tradiziun gnaral tigní ince en chësc ann la festa de Santa Maria dai Ciüf tl paisc da La Ila, le mercui ai 15 de agost dales 11.00 inant. La müjiga da La Ila deura la festa cun so conzert y dales 13:00 podaran ti ciaré al’esibiziun di plattleri dla Val Badia. I Stödafüch y la Müjiga da La Ila fistidiará fora por düt le de da dé fora de vigni sort de spezialites ala grilia sciöche ince turtres. Dales 14.30 podaran amiré la defilada fora por le zënter da La Ila, en chësc ann caraterisada dal tema “La moda tla Ladinia”. Da odëi sarale de vigni sort de ciars y de costüms che mostra le svilup dla moda, pian ia dai guanc da zacan cina aldédaincö. Dedô jará la festa inant cun deplü sorts de jüc por pici y gragn y cun le conzert dla Müjiga da La Val. Da sëra gnarale pité musiga da bal cun le grup “Vollgas”.

La segra da La Ila gnará metüda a jí la domënia, ai 26 d’agost. Dales 12.00 podaran ascuté sö la Müjiga da La Ila y dales 14:30 sarale la müjiga di jogn Alta Badia che lascia aldí de vigni sort de melodies. Dl intrategnimënt musical se cruziará dedô le grup “Edelblech” y da sëra i “Verspielten”.

valutaziun
Submitting your vote...
stampè