Home
Sorvisc

Mëte sö na dita: le finanziamënt otimal por pié ia cun le dër pe

Tan de capital desson pa porté ite instësc, tan de capital forest desson pa tó sö?

Chësta é na domanda che i fondadus de na dita fej gonot, dij Arnold Alton, responsabl dl’area marcé  dla Cassa Raiffeisen Val Badia. La dezijiun sön le dër finanziamënt depënn indere da na linia de faturs desvalis.

 

Siur Alton, ci formes de finanziamënt á pa l’impresar a desposiziun, tla pröma fasa da pié ia?

A. Alton: Canche al vëgn metü sö na dita nöia, ne nen vára de regola nia tan da ciafé le miú finanziamënt, mo plülere da chirí le finanziamënt otimal. Por ciafé fora chësc, dess l’impresar se damané tan de scioldi che al ó y che al pó efetivamënter investí. Tleca pa so capital tla pröma fasa? An fej tres indô l’esperiënza che al basta. Öna dles condiziuns che mëss ester, é impó chëra da avëi dal scomenciamënt incá n plan finanziar ponsé fora bun. Te chësc plan ne dessel nia ma ester laite i cosć dla fondaziun y dles investiziuns, mo an dess tó en conscidraziun ince le capital che an adora da pié ia y i cosć privac. Lapró pó i fondadus de na dita damané do aiüc y sovenziuns.

 

Ci podëise pa dí sön les sovenziuns dla Provinzia Autonoma de Balsan?

Por chi che mët sö na dita, pîta la Provinzia n sostëgn tla forma de imprësć plü bunmarcé por arjunje licuidité, cina a 80.000,00 € (50.000,00 € por eserzizi turistics), sciöche ince d’atri aiüc por investiziuns dla dita. Tla Cassa Raiffeisen ciafa i impresars jogn na consulënza aladô. Sce al vëgn damané, pitunse ince n sostëgn por mëte jö y mené ite les domandes. L’imprëst vëgn spo paié fora diretamënter tres la Cassa Raiffeisen.

 

Ci pó pa le fondadú de na dita ciamó fá, por otimisé le bojëgn de capital?

Deboriada cun l’impresar vëgnel analisé le plan de finanziamënt. Sce ara vëgn fora che dlungia so capital y i contribuc ól ciamó ester d’ater capital, chiron deboriada cun le cliënt soluziuns adatades. Sce al vëgn a s’l dé ma de cörtes strentöres de licuidité, pól ince basté da fá n credit sön le cunt corënt, zënza vëgnel pité n imprëst. Leasing pó rodunt tla fasa de fondaziun ester na buna soluziun. Al é adaté por s’arjigné bëgns d’investimënt, zënza messëi lié deplëgn döt le capital che an á instësc.

 

Arnold Alton: ”Le plan de finanziamënt mëss ester ponsé fora bun, por che an pois spo determiné le bojëgn efetif de capital.”

 

Te na consulënza personala podunse jí ite tla situaziun individuala dl impresar y baié de dötes les sovenziuns a livel nazional y europeich.

stampè